துன்பமான நேரங்களில் ஸுன்னாஹ்வின் மக்களுக்கு ஓர் உபதேசம்

அஷ்-ஷெய்க் முக்பில் இப்னு ஹாதி அல்-வாதியீ ரஹிமஹுல்லாஹ்

-------------------------------------------------------------------------------------------------

அனைத்து தீய சக்திகளும் ஸுன்னாஹ்வின் மக்களை அழிக்க வேண்டும் என்று திட்டமிட்டு கொண்டிருக்கும் இந்த துன்பமான நேரத்தில், ஏனென்றால் ஸுன்னாஹ்வின் மக்கள் மட்டும் தான் அந்த தீமைகளுக்கு எதிராக நின்று அதனை தெளிவாக மறுப்பவர்கள் என்ற அடிப்படையில் நான் என்னுடைய இரண்டாவது அறிவுரையை ஸுன்னஹ்வின் மக்களாகிய என் சகோதரர்களுக்கு கூறுகின்றேன்.

1. அல்லாஹ்விற்கு உண்மையாக இருப்பது (அல்- இஹ்லாஸ்)

அல்லாஹ் (سبحانه وتعالى) கூறுகின்றான் :

وَمَآ أُمِرُوٓا۟ إِلَّا لِيَعْبُدُوا۟ ٱللَّهَ مُخْلِصِينَ لَهُ ٱلدِّينَ....

அல்லாஹ்வை மட்டும் வணங்க வேண்டும் அவனுடைய மார்க்கத்தில் உண்மையாக இருக்க வேண்டும் என்பதைத் தவிர அவர்கள் கட்டளையிடப்படவில்லை

(ஸூரத்துல் பய்யினா - 5)

2. & 3 பொறுமை மற்றும் அல்லாஹ்விற்கு அஞ்சி நடப்பது (அஸ்-ஸபுர் வத் தக்வா)

அல்லாஹ் (سبحانه وتعالى) கூறுகின்றான் :

...وَإِن تَصْبِرُوا۟ وَتَتَّقُوا۟ لَا يَضُرُّكُمْ كَيْدُهُمْ شَيْـًٔا...

...ஆகவே, நீங்கள் பொறுமையுடனிருந்து (அல்லாஹ்வை) பயந்தும் கொள்வீர்களாயின் அவர்களுடைய சூழ்ச்சி உங்களுக்கு யாதொரு தீங்கையும் விளைவித்து விடாது...

(ஸூரா ஆல இம்ரான் - 120)

4. முஃமின்களிடம் தோழமை கொள்வது

அல்லாஹ் (سبحانه وتعالى) முஃமின்களை பின்வருமாறு வர்ணிக்கின்றான்:

...مُّحَمَّدٌۭ رَّسُولُ ٱللَّهِ ۚ وَٱلَّذِينَ مَعَهُۥٓ أَشِدَّآءُ عَلَى ٱلْكُفَّارِ رُحَمَآءُ بَيْنَهُمْ

முஹம்மது, அல்லாஹ்வின் தூதராவார்; அவருடன் இருப்பவர்களோ, நிராகரிப்போர் மீது மிகக் கண்டிப்பானவர்கள். தங்களுக்கிடையே மிக்க அன்புடையவர்கள்.....

(ஸூரத்துல் ஃபத்ஹ் - 29)

ஸஹீஹ் அல்-புகாரீ மற்றும் ஸஹீஹ் முஸ்லிமில் இடம்பெறக் கூடிய ஹதீஸில் அந்-நுஃமான் இப்னு பஷீர் (رضي الله عنه) அறிவிக்கிறார்கள், அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள்:

وعن النعمان بن بشير رضي الله عنهما قال‏:‏ قال رسول الله صلى الله عليه وسلم ‏"‏ مثل المؤمنين في توادهم وتراحمهم وتعاطفهم، مثل الجسد إذا اشتكى منه عضو تداعى له سائر الجسد بالسهر والحمى” ‏(‏‏(‏متفق عليه‏)‏‏)‏ ‏.‏

முஃமின்களுக்கிடையே இருக்கும் அன்பு, கருணை, மற்றும் பாசத்திற்கு உதாரணம் அவர்கள் ஒரே உடம்பைப் போன்றவர்கள் ஆவர். உடம்பில் ஒரு பாகத்தில் நோவினை ஏற்பட்டால் முழு உடம்பிலும் தூக்கமின்மையும், காய்ச்சலும் பிரதிபலிக்கும்.

(ரியாத் அஸ் ஸாலிஹீன் - 224)

இதனடிப்படையில் ஒவ்வொரு ஸுன்னாஹ்வின் மனிதனும் உலகில் எந்த மூலையில் இருந்தாலும் நம்முடைய எழுத்துக்களாலும், பேச்சாலும், இன்னும் மற்ற வழிமுறைகளிலும் எங்களுடைய சக்திக்கு உட்பட்டும், ஷரீஅத்தின் அளவுகோலிலும் நாம் அவருடன் இருப்பதாக உணர வேண்டும்.

غارة الأشرطة

காரத் அல்-அஷ்ரித்தாஹ் பாகம் 1, பக்கம்-12

© https://t.me/ImamMuqbil_eng