அல்லாமா சைது இப்னு முஹம்மது இப்னு ஹாதி அல்-மத்களி ரஹிமஹுல்லாஹ் அவர்கள் தன்னுடைய மகன் அஷ்-ஷெய்க் அபு ஹாதிம் அலீ இப்னு சைது அல்-மத்களி ஹஃபிழஹுல்லாஹ் அவருக்கு செய்த உபதேசம்

-------------------------------------------------------------------------------------------------

பிஸ்மில்லாஹிர் ரஹ்மானிர் ரஹீம் (உலகத்தில் அனைத்திற்கும் (ரஹ்மான்) அருள் செய்யக்கூடியவனும், மறுமையில் முஃமின்களுக்கு மட்டும் (ரஹீம்) அருள் செய்யக்கூடியவனாகிய அல்லாஹ்வின் பெயரால் (ஆரம்பம் செய்கின்றேன்))

கண்ணியமிக்க அபு ஹாதிம் அலீ இப்னு சைது அல்-மத்களி அவர்களுக்கு, அல்லாஹ் பொருந்திக் கொண்டதை கொண்டு அவருக்கு வெற்றியளிப்பானாக!

அஸ்ஸலாமு அலைக்கும் வ ரஹ்மதுல்லாஹி வ பரகாத்துஹு

அதற்கு பின்னால்,

இந்த உலக வாழ்விலும், நாளை மறுமையிலும் கல்வி மற்றும் அமல்களில் உங்களுக்கு வெற்றியும் வழிகாட்டுதலும், கிடைக்க வேண்டும் என்று நாம் நாடுகின்றோம். எனக்கும் உங்களுக்கும் நான் கூறும் அறிவுரை என்னவென்றால்:

முதலில்: சமூக மக்கள் வழிகேட்டின் பால் இருக்கும் பொழுது புதினமானவர்களாக அறியப்படும்( தங்களையும் சமூகத்தையும் திருத்த முற்பட்டு சத்தியத்தின் பால் வாழும்) சாலிஹான மக்களில் ஒருவராக உங்களை அமைத்துக் கொள்ளுங்கள்

இரண்டாவது: உங்களுடைய தொழுகைகள், ஜுமுஆ தொழுகை மற்றும் ஜமாஅத்தாக தொழும் தொழுகைகளை மிக கவனத்துடனும் அக்கறையுடனும் பேணிக் கொள்ளுங்கள்.

மூன்றாவது: நம்முடைய வாழ்க்கை அதிகமான நாட்கள் இருக்குமா அல்லது குறைவாக இருக்குமா என்பதை நாம் அறிந்தவர்கள் அல்ல என்பதை கருத்தில் கொண்டு, அல்லாஹ்வின் தூதருடைய ஸுன்னாஹ்வை (வழிமுறையை) உயிராக்கவும், இஸ்லாமிய மார்க்கத்தின் எதிரிகளுக்கு மாற்றமாக நடக்கவும் உங்களுடைய தாடியை கடமையாக (வளருவதற்கு) விட்டு விடுங்கள். ஏனென்றால் நல்ல அமல்களுடன் கூடிய நல்ல முடிவு (மரணம்) தான் நமக்கு முக்கியமாகும்.

நான்காவதாக: மேற்கத்திய ஆடைகளையும், மேற்கத்திய சிகை அலங்காரங்களையும் தவிர்த்திடுங்கள், (ஸவ்பு எனப்படும்) கமீஸை அணியுங்கள், ஸராவீலை (தளர்வான காற்சட்டையை) கரண்டைக் காலுக்கு மேல் அணியுங்கள் நீங்கள் அல்லாஹ்விற்கு கீழ்ப்படிந்தவனாகவும் அவனை பொருந்திக் கொண்டவனாகவும் வாழுவீர்கள் மேலும் அல்லாஹ் நாடினால் மகிழ்ச்சியாக, அல்லாஹ்வை திருப்திபடுத்தி, அவனுடைய பொருத்தத்தை பெற்ற நிலையில் மரணிப்பீர்கள்.

ஐந்தாவது: அல்லாஹ்வை நினைவுகூறுவதற்கும் அதற்கு தொடர்பானதை கூறுவதற்கும், கட்டாயமாக சொல்ல வேண்டும் என்பதற்கும் தவிர உங்களுடைய நாவை (வேறு எதற்கும் பயன்படுத்தாமல் அதனை) கட்டுப்படுத்தி சிறையிடுங்கள்.

ஆறாவதாக: காலையிலும் மாலையிலும் சில திக்ருகளை பேணிக்கொள்ளுங்கள் ஏனென்றால் அவை துன்பங்கள் மற்றும் அழிவுகளிலிருந்து பாதுகாக்கும் கோட்டையாகும். ஒரு அடியான் பலவீனமானவன் ஆவான் அவன் கட்டாயம் தன்னுடைய பாதுகாப்பிற்காக உயர்ந்தவனும் ஆற்றல்மிக்கவனுமாகிய அல்லாஹ்வின்பால் திரும்ப வேண்டும்.

ஏழாவது: உங்களுடைய வேலையில் நேரத்தை பேணிக்கொள்ளுங்கள். மேலும் இஸ்லாமிய சட்டங்களுக்கு உட்பட்டு உங்களுடைய ஆசிரியர்கள் மற்றும் நண்பர்களுடன் நன்நடத்தையை பேணுங்கள், அவ்வாறு செய்தால் இவ்வுலகிலும் நாளை மறுமையிலும் நீங்கள் நலவை அடைவீர்கள், நிச்சயமாக நன்நடத்தை அனைத்து நலவுகளையும் பெற்றுத் தரும்

இறுதியாக: அல்லாஹ்விற்கு முன்னால் நிற்கப்போவதை குறித்து கவனமாக இருங்கள். எது உங்களை அல்லாஹ்வின் பொருத்தத்திற்கு நெருக்கமாக்குமோ அதை செய்யுங்கள். அல்லாஹ் மட்டும் தான் சிறந்த பாதுகாவலன் மேலும் அவன் கருணை காட்டுபவர்களுக்கு மிகக் கருணையாளன் ஆவான்.

வ அலைக்குமுஸ் ஸலாம் வ ரஹ்மத்துல்லாஹி வ பரகாத்துஹு

உன்னுடைய உரிமைகளில் குறைவைத்திருக்கும் உன்னுடைய தந்தை சைது இப்னு முஹம்மது அல்-மத்களி (29.06.1415 ஹிஜ்ரி)

© AlWaraqat (eng)