(ஃபஜ்ர் தொழுகைக்குப் பின்னால் நடத்தப்பட்ட) ஸில்ஸிலத்துல் ஆஹாதீஸ் அஸ் ஸஹீஹாவின் அமர்வுகளின் பாடக் குறிப்புகள் தொகுப்பு:

உணவு உண்ணுவதைப் பற்றிய சில அதபுகள் (ஒழுக்கங்கள்)

தேதி: 10 ரபி அல் ஆஹிர் 1445/ 25.10.23 | ஹதீஸ் எண்: 71

-------------------------------------------------------------------------------------------------

நபி ஸல்லல்லாஹு அலைஹி வஸல்லம் அவர்கள் உணவை நெருக்கமாக்கினால் முதலில் பிஸ்மில்லாஹ் என்று கூறுவார்கள் அதை சாப்பிட்ட பின்னால்

اللهُمَّ أَطْعَمْتَ وأَسْفَيْتَ وأَقنَيْتَ، وَهَدَيْتَ، وَأَحْيَيْتَ؛ فلك الحمدُ على مَا أَعْطَيْتَ

அல்லாஹ்வே நீ எங்களுக்கு உண்ண உணவு தந்து விட்டாய் பருகுவதற்கு தந்து விட்டாய் எங்களுக்கு இதை சொத்தாக தந்து விட்டாய் எங்களுக்கு உயிர் தந்து விட்டாய் இவ்வனைத்தையும் தந்ததற்காக உனக்கே எல்லா புகழும் என்று கூறுவார்கள்.

1. அபு ஷேக் இப்னு ஹையான் கிதாபுல் அஹ்லாக்கு நபி ஸல்லல்லாஹு அலைஹி வஸல்லம் வல் ஆதாப் என்ற நூலில் இந்த ஹதீஸை பதிவு செய்துள்ளார்கள்.

2. நபி ஸல்லல்லாஹு அலைஹி வஸல்லம் அவர்களுக்கு எட்டு வருடமாக உதவியாளராக இருந்த மனிதர் இந்த ஹதீஸை அறிவிக்கிறார் இமாம் அல்பானி ரஹ்மத்துல்லாஹி அலைஹி இதை ஸஹீஹ் என தீர்ப்பளித்துள்ளார்கள்.

3. உணவுக்கு முன்பு பிஸ்மில்லாஹ் என்ற வார்த்தையோடு நிறுத்திக் கொள்ளாமல் மேலதிகமாக வார்த்தைகளை சேர்ப்பது பித்அத் ஆகும். அவ்வாறு வார்த்தைகளைக் கொண்டு அறியப்பட்ட( பிஸ்மில்லாஹிர்ரஹ்மானிர்ரஹீம் என்று கூற), நபி ஸல்லல்லாஹு அலைஹி வஸல்லம் அவர்களின் வாழ்க்கையில் ஒரு முறையாவது அதை செய்திருக்க வேண்டும் அப்பொழுதுதான் நமக்கும் அது அனுமதிக்கப்பட்டதாகும், தும்மலுக்கு பின்பு அல்ஹம்துலில்லாஹ் என்று கூறவேண்டும் அதற்கு பதிலாக அல்ஹம்துலில்லாஹி ரப்பில் ஆலமீன் என்று கூறிய மனிதரை அப்துல்லாஹ் எவ்வாறு தடுத்தாரோ அதே போன்று தான்.

4. இந்த விஷயத்தில் இமாம் அஸ் ஸுயூத்தி, இது ஒரு கெட்ட பித்அத் என்று தீர்ப்பளித்துள்ளார்கள். ஹனஃபி மதுஹபு நூலில் இது வெறுக்கப்பட்ட செயல் என்று முடிவு கொடுக்கப்பட்டுள்ளது.

5. இமாம் அல்பானி ரஹ்மத்துல்லாஹி அலைஹி கண்மூடித்தனமான மதுஹபுவாதிகள் இமாம் ஸுயூத்தியின் தீர்ப்புக்கு பதில் கூற முடியுமா? என்று வினவுகிறார்கள்.

அவர்களால் பதில் தர முடியாது. அந்த இமாமை அவர்கள் வஹ்ஹாபி என்று தீர்ப்பளித்து ஒதுங்கி விடுவார்கள். ஆனால் இமாம் ஸுயூத்தியோ, இமாம் முஹம்மத் பின் அப்துல் வஹ்ஹாப் அவர்களின் காலத்தில் இருந்து 300 ஆண்டுகள் முன்பு வாழ்ந்த மனிதர் ஆவார்.

6. காமூஸ் அல் பித்அத் என்று ஒரு நூலில் பிதுஅத்துகளின் பட்டியல் என்று இமாம் அல்பானி தொகுத்தார். 'எனக்குத் தெரிந்தவரை இந்த கிதாப் இதுவரை வெளிவரவில்லை ஏனென்றால் இதைப் பற்றி நான் ஒரு முறை அலி ஹசன் ஹலபி அவர்களிடம் கேட்டேன், இமாமின் காலத்தில் இந்நூல் நிறைவு பெறவில்லை என்று அவர் பதில் அளித்தார்' என்று அஷ் ஷேக் யஹ்யா ஸில்மி அஸ் ஸைலானி கூறினார்கள்.

7. அஷ் ஷேக் யஹ்யா ஸில்மி அஸ் ஸைலானி: மதுஹபுவாதிகள் அவர்களின் முடிவுக்கு ஆதாரம் காட்ட முடியாத காரணத்தால் வஹ்ஹாபி என்று தீர்ப்பளித்து தப்பித்துக் கொள்வார்கள், வழிகெட்ட கூட்டங்கள் தங்களை காப்பாற்றிக் கொள்ள முஸ்லிம்களிடையே பிரிவினை உண்டாக்கி காஃபிர்களுக்கு உதவி செய்ய இந்த வஹ்ஹாபி என்ற பட்டப் பெயரை உருவாக்கினார்கள்.

(அஷ்-ஷெய்க் அபு அப்துர் ரஹ்மான் யஹ்யா சில்மி அஸ் ஸைலானி ஹஃபிழஹுல்லாஹ் அவர்கள் நடத்திய ஸில்ஸிலத்துல் ஆஹாதீஸ் அஸ் ஸஹீஹா என்ற நூலில் இருந்து பயனுள்ள குறிப்புகள் - அமர்வு 31)

நூல்: ஸில்ஸிலத்துல் ஆஹாதீஸ் அஸ் ஸஹீஹா

ஆசிரியர்: இமாம் முஹம்மத் நாஸிருத்தின் அல்-அல்பானி (رَحِمَهُ ٱللَّٰهُ)

ஸில்ஸிலத்துல் ஆஹாதீஸ் அஸ் ஸஹீஹாவின் அமர்வு 71 - உணவு உண்ணுவதைப் பற்றிய சில அதபுகள் (ஒழுக்கங்கள்)