ஸஹாபாக்களின் அகீதா (கொள்கை) தான் அகீதத்துல் இஸ்லாமிய்யாஹ் (இஸ்லாமிய மார்க்கத்தின் கொள்கை) ஆகும்!

أَعُوذُ بِاَللَّهِ اَلسَّمِيعِ اَلْعَلِيمِ مِنَ اَلشَّيْطَانِ اَلرَّجِيمِ مِنْ هَمْزِهِ وَنَفْخِهِ وَنَفْثِهِ

யாவற்றையும் செவியேற்கின்றவனும், அறிந்தவனுமாக இருக்கின்ற அல்லாஹ்விடம் விரட்டப்பட்ட ஷைத்தானின் பைத்தியத்திலிருந்தும், அகந்தையிலிருந்தும், உளரல்களிலிருந்தும் நான் பாதுகாவல் தேடுகிறேன்.

وَإِذَا قِيلَ لَهُمْ ءَامِنُوا۟ كَمَآ ءَامَنَ ٱلنَّاسُ قَالُوٓا۟ أَنُؤْمِنُ كَمَآ ءَامَنَ ٱلسُّفَهَآءُ أَلَآ إِنَّهُمْ هُمُ ٱلسُّفَهَآءُ وَلَـٰكِن لَّا يَعْلَمُونَ

மேலும், அவர்களிடம் (நயவஞ்சகர்களிடம்), “(குர்ஆனைச் செவியுற்று) இந்த மக்கள் (அல்லாஹ்வின் தூதரைப் பின்பற்றிய முஹாஜிர்கள் மற்றும் அன்ஸாரிகள்) நம்பிக்கை கொண்டது போன்று நீங்களும் நம்பிக்கை கொள்ளுங்கள்” என்று கூறப்பட்டால், அ(தற்க)வர்கள் “மூடர்கள் நம்பிக்கை கொண்டது போல், நாங்களும் நம்பிக்கை கொள்வோமா?” என்று கூறுகிறார்கள். தெரிந்து கொள்ளுங்கள்! நிச்சயமாக இவர்கள் தான் மூடர்கள்; எனினும், (அதைப்பற்றி) அவர்கள் அறியமாட்டார்கள்.

(ஸூரத்துல் பகரா - 13)

இந்த இடத்தில், இந்த மக்கள் நம்பிக்கை கொண்டது போன்று நீங்களும் நம்பிக்கை கொள்ளுங்கள் என்று அல்லாஹ் கூறுவதன் அர்த்தம் முஃமின்களான ஸஹாபாக்கள் அல்லாஹ்வின் மீதும், அவனுடைய வேதங்களின் மீதும், அவனுடைய தூதர்கள் மீதும், இறப்பிற்கு பின்னால் எழுப்பப்படுவது மீதும், சுவர்க்கம் மற்றும் நரகம் மீதும் நம்பிக்கை கொண்டது போல் நம்பிக்கை கொள்வது ஆகும். மேலும் அல்லாஹ்(سبحانه وتعلى)வும் அவனுடைய தூதரும் ஏவிய கட்டளைகளை கவனித்து செயல்படவும், தடைகளை தடுத்துக் கொள்வதும் ஆகும்.

ஆயினும் இந்த நயவஞ்சகர்கள் பின்வருமாறு பதிலளித்தார்கள்:

மூடர்கள் நம்பிக்கை கொண்டது போல், நாங்களும் நம்பிக்கை கொள்வோமா?

இங்கு மூடர்கள் என்று அல்லாஹ்வின் தூதருடைய ஸஹாபாக்களை தான் கூறுயிருக்கின்றார்கள். (அல்லாஹ் நயவஞ்சகர்களை சபிப்பானாக!) இந்த தஃப்ஸீரை (விளக்கவுரையை) தான் அபுல் ஆலியா மற்றும் அஸ்-ஸுத்தி தன்னுடைய தஃப்ஸீரில் இப்னு அப்பாஸ், இப்னு மஸ்வூது மற்றும் இதர ஸஹாபாக்களிடம் செல்லும் அறிவிப்பாளர் தொடருடன் பதிந்துள்ளார்கள். (பார்க்க தஃப்ஸீர் இப்னு கஸீர்)

எனவே ஸஹாபாக்கள் நம்பிக்கை கொண்டது போன்று தான் அனைவரையும் நம்பிக்கை கொள்ளுமாறு அல்லாஹ் கட்டளையிடுகின்றான். அவர்கள் தான் தேர்தெடுக்கப்பட்ட கூட்டம், அவர்கள் தான் அல்-ஜமாஅத், மேலும் அவர்கள் தான் சத்தியத்திற்காக வரையறை ஆகுவர்.

அவர்களுடைய அகீதா (கொள்கை) தான் இஸ்லாமிய மார்க்கத்தின் கொள்கை ஆகும். யாரெல்லாம் அவர்களுடைய பாதையை பின்பற்றவில்லையோ, அவர் வழிகேட்டில் உள்ளவர் ஆவார். இன்னும் யாரெல்லாம் அவர்களை விமர்சித்து, அவர்களுடைய தவறுகளை பட்டியலிட்டு குறைபடுத்தும் நோக்கத்துடன் பேசுவாரோ, அவர்கள் இஸ்லாமிற்கும், முஸ்லிம்களுக்கும் பாதிப்பை ஏற்படுத்தும் நயவஞ்சகர்கள் ஆவர்.

அஷ்-ஷெய்க் யஹ்யா ஸில்மி (حفظه الله) அவர்களின் வழிகாட்டுதலில் வெளியிடப்படுகிறது.

Aqeedathul Islamiyyah

ஸஹாபாக்களின் அகீதா (கொள்கை) தான் அகீதத்துல் இஸ்லாமிய்யாஹ்

Aqeedah of Sahabah is the Aqeedathul Islamiyyah