(ஃபஜ்ர் தொழுகைக்குப் பின்னால் நடத்தப்பட்ட) ஸில்ஸிலத்துல் ஆஹாதீஸ் அஸ் ஸஹீஹாவின் அமர்வுகளின் பாடக் குறிப்புகள் தொகுப்பு:

ஒரு நபரை வரவேற்பதற்காக மரியாதை நிமித்தமாக நிற்பது

-------------------------------------------------------------------------------------------------

٦٧ - (قُومُوا إِلى سَيِّدِكُم فَأَنْزِلُوهُ، فَقالَ عُمَرُ: سَيِّدُنَا اللهُ عزَّ وجَلَّ . قالَ : أَنْزِلُوهُ . فَأَنْزَلُوهُ)

ஹதீஸின் அர்த்தம்:

உங்களுடைய தலைவரிடம் (ஸஅது இப்னு முஆதுவிடம்) சென்று அவரை (கழுதையிலிருந்து) கீழே இறக்குங்கள். உமர் ரலியல்லாஹு அன்ஹு கூறினார்: எங்கள் எஜமானர் அல்லாஹ் சுபுஹானஹு வ த ஆலா தான். நபி ஸல்லல்லாஹூ அலைஹி வ ஸல்லம் கூறினார்கள்: அவரை (ஸஅது இப்னு முஆதை) கீழே இறக்கி வாருங்கள். எனவே மக்களும் அவரை கீழே இறக்கி கொண்டு வந்தார்கள்.

1. இந்த ஹதீஸ் முஸன்னஃப் இப்னு அபி ஷைபா, இப்னு ஹிப்பான் மற்றும் பிற புத்தகங்களில் பதிவு செய்யப்பட்டுள்ளது. புஹாரி, முஸ்லீம், அபி தாவூத், அஹ்மத் மற்றும் பல புத்தகங்களிலும் இதே போன்ற ஹதீஸ்களைக் காணலாம்.

2. இது பனூ குரைதாவில் நடந்த போரைப் பற்றியும், கைதிகளைப் சிறை பிடித்துக் தொடர்பான தீர்ப்புகளைப் பற்றி பேசுகிறது. ஆனால், இந்த அறிவிப்பை இந்த தலைப்பின் கீழ் பார்க்க இருப்பது, ஒரு நபரை வரவேற்பதற்காக நிற்பதைப் பற்றியதாகும். அதை செய்ய அனுமதி இல்லை என்பதான் சரியான கருத்து.

3. இமாம் அல்பானி ரஹிமஹுல்லாஹ் இந்த தலைப்பின் கீழ் இரண்டு முக்கிய நன்மைகளை எடுத்துவைத்தார்கள். முதலாவதாக, இந்த அறிவித்தல் உங்கள் தலைவருக்காக 'لسيدكم' என்ற வார்த்தையுடன் பிரபலமாக அறியப்படுகிறது. உங்கள் தலைவரிடம் (அவருக்கு உதவ) "إلى سيدكم" என்று தான் இரண்டு அறிவித்தலில் வருகிறது. لسيدكم என்ற வார்த்தைக்கான எந்த அடிப்படையையும் ஆதாரத்தையும் நான் காணவில்லை என்று இமாம் அல்பானி கூறுகிறார்கள். இவ்வாறு வார்த்தைப் பிழையினால் ஃபிக்ஹில் தவறு நடைபெறுகிறது.

எடுத்துக்காட்டாக, ஷரஹ் ஸஹீஹ் அல் புஹாரியில் இமாம் இப்னு பத்தா 'ஒருவரை வரவேற்பதற்காக நிற்பது' என்ற தலைப்பின் கீழ் இந்த விளக்கத்தை எழுதியுள்ளார்கள். எழுதுவதில் (பதிவு செய்ததில்) ஏற்பட்ட தவறு காரணமாக இதன் விளக்கம் தவறாகப் புரிந்து கொள்ளப்படுகிறது. பல்வேறு காரணங்களுக்காக மாற்றப்பட்ட, தவறாகப் புரிந்துகொள்ளப்பட்ட விளக்க உரைகளில் உள்ள சொற்களின் பட்டியல் குறித்து ஹாஃபிழ் முஹம்மது பின் நசீர் அபுல் ஃபத்ல் தன்னுடைய புத்தகத்தில் இதை பதிவு செய்திருப்பதைக் காணலாம்.

அஸ்ஸைய்யது (السيد) என்ற வார்த்தையின் அர்த்தம் சரியாகப் புரிந்து கொள்ளப்பட வேண்டும். அஸ்ஸைய்யது என்றால் 'உங்களில் சிறந்தவர்'.

இரண்டாவதாக, இந்த தவறான புரிதலின் காரணமாக, ஒருவரை வரவேற்பதற்காக நிற்பது அனுமதிக்கப்பட்டதாக இந்த ஹதீஸ்களை ஆதாரமாகக் கொண்டு கருதப்படுகிறது.

இந்த நீண்ட அறிவித்தலையும் (அதில் உள்ள) நிகழ்வுகளையும் ஆய்வு செய்தால், இந்த புரிதல் இல்லை அல்லது காணப்படவில்லை என்பதை அறியலாம். ஸஅது ரழியல்லாஹு அன்ஹு அவர்கள் உடல்நிலை சரியில்லாமல் இருந்ததால், அவரிடம் சென்று, அவரை (கழுதையிலிருந்து) கீழே கொண்டு வர உதவுங்கள் (فَأَنْزَلُوهُ) என்று தான் மக்களிடம் கட்டளையிடப்பட்டது.

4. அஷ்-ஷெய்க் அஸ்-ஸைலானி ஹஃபிழஹுல்லாஹ் :

அஷ்-ஷெய்க் பின் பாஸ் ரஹிமஹுல்லாஹ் உட்பட பல அறிஞர்கள் தவறான " لسيدكم" என்ற வார்த்தைகளைப் பயன்படுத்தியதாகக் கருதி,மேலும் ஒருவரை வரவேற்க நிற்க அனுமதிப்பது குறித்து ஃபத்வாவை வழங்கியுள்ளார்கள். ஆனால் அது தவறு. அனைத்து ஸுன்னாஹ்வின் அறிஞர்கள் மீதும் அல்லாஹ் கருணை காட்டுவானாக

standing in respect

ஸில்ஸிலத்துல் ஆஹாதீஸ் அஸ் ஸஹீஹாவின் அமர்வு 67 - ஒரு நபரை வரவேற்பதற்காக மரியாதை நிமித்தமாக நிற்பது

Silsilathul Ahadees As-Saheeha Sitting 67 - Standing in Respect to Welcome a Person